معلومات خفيفة علينا في
بدينا عام 2020
و معانا خبرة 16 سنة في صناعة الصورة التجارية
كيفاش؟
هي بمثابة الأخت الصغيرة للشركة الأم
و اللي هيا بدأت عام 2006 في مدينة كوالالمبور الماليزية، ثم انتقلت الشركة للعمل في المملكة العربية منذ 2010، وحلت في تونس 2018 وفي رصيدها مشاريع و أعمال مع أكثر من 250 شركة محلية و إقليمية و عالمية.
خدماتنا الأساسية
المشورة
نقعدو معاك و نسمعوك، و بالأنسب ليك ننصحوك … و فوق هذا الكل من حقك تطلب منا test باش تتهنا و ما تخرج من عندنا كان و إنتي مطمان على جودة الخدمة و فيانة الصنعة
موقع التصوير
عنا في الإستوديو ولا عندك في محلك، تحب تصور عندنا في الإستوديو … و إلا عندك في محلك، تو تلقانا ديما موجودين في الخدمة. ننصحوك للأفضل للمشروع و و شنو الي يخدمك أفضل و يبقى القرار ديما ليكم و أحنا في خدمتكم ديما.
الجودة
جودة تصاورك … مسؤوليتنا و نظام الخدمة معانا هو سر قوتنا، ما فما حتى منتج يتصور إلى ما يتعدى بمرحلة التأسيس للتصوير واللي نضمنو رضاك على التصاور و توافق على مواصفات متاع التصوير. هكا تكون إنتي مرتاح على الخدمة معانا، و متهني على النتيجة النهائية المتوقهعا مِنا
التصوير
الدقة العالية و وضوح تفاصيل الصورة. كل ما كانت التصاور واضحين و التفاصيل باينين، زادت ثيقة الحرفاء بالمنتج و جودة تصنيعوا، و بالتالي تقوي في مصداقية الماركة متاعك و مبيعتها. و كلامنا هذا عن خبرة أكثر من كونو منطقي، و التجربة خير برهان
les retouches التنميق و تحسين الصور
لا يوجد منتج خالٍ من العيوب، أبداً، هذي قاعدة عامة في تصوير المنتجات. هكا علاش أحنا في “صوَرلي” مانخرجوا حتى تصوير لأي حريف أو عميل إلى بعد ما نعملوا عليها ال les retouches الأساسية اللازمة على أقل تقدير، واللي هي داخلة بطبيعتها في خدماتنا الأساسية اللي نقدموها.
حقك معانا مضمون
و تصاورك ما تاخوها إلى و إنتي فرحان(هـ) بيها، و إذا فما أي تصويرة ماعجبتكش بسبب خلل فني في التصوير، نصلحوا الخلل اللي فيها و إذا إستلزم الأمر إنو نعاودو تصويرها مرة أخرى.
… في إعتقادنا
شنوا اللي باش يخليك تختار دوناً عن المصورين الكل؟
الثقة، التفاني و الجدية في العمل
أحنا شركة متخصصة في الشئ هذا، اللي هو التصوير الفوتوغرافي التجاري و الدعائي من 2006، هذيكا هي خدمتنا و هذيكا هيا صنعتنا. ماعناش المنطق متاع إخدم برك و ديما يمشي،، و لا دز تخطف،، ولا هز من الشارب و حط في اللحية، أخترنا نتخصصوا في الشئ اللي نتقنوه و نحبوهو على خاطرو قررنا إنو نخدموه بإتقان و نظافة، خير من إنو “نبلفطوا” الحرفاء بخدمة كيما جات.
الخبرة ثُم الخبرة ثُم الخبرة
الخبرة في مجال صناعة الصورة هي اللي صنعت منا تميزنا على باقي المنافسين اللي في السوق، خبرة 17 عام في الميدان و اللي هي خبرة المؤسس متاع “صوَرلي” من أول 2006 في ماليزيا، مروراً بسنغافورة، و السعودية، و قطر، و أبو ظبي، و عُمان إلى آخره…. و حتى ،يومنا الحاضر و بإجمالي عدد مشاريع مع أكثر من 200 شركة محلية و إقليمية و دولية … و من الخبرة هذي تولدت ـ
الوجهة وجهتكم … قولولنا وين تحبو توصلو، والباقي خليوه علينا
بحكم خبرتنا، صنعنا في نظام عمل متطور و متقدم إلى حد كبير جداً، سواء من الجانب الإداري أو المعدات والآلات في الأستوديو أو الجانب الفني.
إتهنى و اطمان، الخدمة ما تبدى عنا كان بعد ما ننصحوك، نوضحولك الخطوات اللي باش تتعدى بيها معانا خطوة بخطوة و توافق و ترضى عليها، و أي مشكلة تعرضنا، نلقاو معاك الحلول اللي في النهاية ترضيك و بالخدمة و النتيجة تهنيك.
الدعم الفني … على مدار الساعة 24/7
في خدمة العميل أو الحريف أول أولياتنا، هكاعلاش، أي دعم فني يطلبوه منا حرفائنا، يلقاونا موجودين في الخدمة لأي حاجة يطلبوها من عنا أو أي تعديل على الصور أو حتى تصوير مستعجل يستحقوه على جناح السرعة.ـ
بالأرقام
مشروع منفذ حتى هذه اللحضة
عقود سنوية للتصوير المستمر
منتج تم تصويره
صورة تمت معالجتها
!عجبتكم خدمتنا؟ ... تحبو تنضمو لعالمنا و تتهناو على تصاوركم معانا
مرحبا بيكم و كل اللي عليكم تعملوه هو إنكم تنزلو عالزر و تعبيولنا الفورم و خليو الباقي علينا.